ТӨВ АЙМГИЙН БАЯНЧАНДМАНЬ СУМ
ЗАРЛАЛ
Өнөөдрөөс ихэнх нутгаар нойтон цас орж, эрс сэрүүсэх цаг агаарын аюултай үзэгдэл ажиглагдах нөхцөл бүрдэж байгааг ЦУОШГ-аас онцгойлон анхааруулж байна. 2018 оны есдүгээр сарын 18-нд баруун аймгуудын нутгаар, 19-нд баруун аймгуудын нутгийн зүүн хэсэг, төвийн аймгуудын ихэнх нутгаар, 20-нд төв болон говийн аймгуудын нутгийн зүүн хэсэг, зүүн аймгуудын ихэнх нутгаар хур тунадас нойтон цас орж, салхи 16-18м/с хүрч цасан шуурга шуурч, эрс сэрүүсэх зэрэг цаг агаарын аюултай үзэгдэл ажиглагдах нөхцөл бүрджэЦаг агаарын энэ үзэгдлийн улмаас зам даваа цас, шуурганд хаагдах, халтиргаа гулгаа үүсэх, тариа, ногоо нойтон цасанд дарагдаж болзошгүй байна.
Эх хүүхдийн эрүүл мэндийг сайжруулахад салбар дундын оролцоог нэмэгдүүлье сэдэвт зөвлөгөөн боллоо

Сумын хэмжээнд “Эх хүүхдийн тусламж үйлчилгээг сайжруулах”-д сумын Засаг дарга, багийн Засаг дарга, аж ахуйн нэгж байгууллагын удирдлага, хамт олон, иргэдийн оролцоог нэмэгдүүлэх зорилгоор  01-р сарын 20-нд сумын Соёлын төвд “Эх хүүхдийн тусламж үйлчилгээг сайжруулахад салбар дундын оролцоо” сэдэвт анхдугаар зөвлөгөөнийг сумын Засаг дарга Ц.Энхжаргалын санаачилгаар сумын Эрүүл мэндийн төв, Дэлхийн зөн Монгол ОУ-ын байгууллага, Төв аймгийн Эрүүл мэндийн газар, Аймгийн нэгдсэн эмнэлэг, сумын Засаг дарга, ЗДТГ хамтран зохион байгууллаа. Уг зөвлөгөөнд Аймгийн Эрүүл мэндийн газрын Эх барих эмэгтэйчүүдийн тусламж үйлчилгээ хариуцсан мэргэжилтэн А.Чулуунцэцэг, Хүүхдийн тэргүүлэх зөвлөх эмч, клиникийн профессор, Төв аймгийн хүүхдийн ерөнхий эмч, мэргэжилтэн Ц.Байгальмаа, НҮЭМ-ийн тусламж үйлчилгээ хариуцсан мэргэжилтэн Г.Сувдаа, сумын Эрүүл мэндийн төвийн дарга Ж.Буянаа, сумын эх баригч бага эмч Б.Одгэрэл, Чандмань багийн эмч П.Отгондамба, сумын хөдөлмөр, халамжийн мэргэжилтэн А.Мөнхтуул, эмийн санч Т.Должинсүрэн, сумын нийгмийн бодлогын ажилтан Ц.Чандмань-Эрдэнэ, ерөнхий эмч О.Баасанбалжир нар илтгэл тавьж, зөвлөгөөнд оролцсон 150 гаруй иргэн, албан хаагчдын дунд зохион явуулсан санал, асуулга, хэлэлцүүлгээр “Эх хүүхдийн тусламж үйлчилгээг сайжруулахад салбар дундын оролцоог сайжруулья” уриаг гаргаж, тус уриан дор зөвлөмжүүдийг сумын удирдлага, эрүүл мэндийн төв, баг, ААНБ, иргэдэд тус тус гаргасан байна. Мөн уг зөвлөгөөний үеэр дээрх нэр бүхий Төв аймгийн ЭМГ, АНЭ-ийн эмч, мэргэжилтнүүд энэхүү арга хэмжээг өнөөгийн цаг үеийн байдалд нийцсэн маш хэрэгтэй үйл ажиллагаа боллоо хэмээн дүгнэж, онцолсон юм.

 

Мэдээ оруулсан: 2017-01-23 16:34:53